„Не“ за војна. „Да“ за транснационална политика на мир

English – French – Italian – German – Greek – Bulgarian – Croatian – Spanish – Polish – Russian – Georgian – Portuguese – Ukrainian – Macedonian – Turkish – Slovenian – Czech – Romanian – Azerbaijani – Hungarian

Рускиот напад врз Украина носи војна меѓу нас.

Овие недели бевме сведоци на ескалацијата на тензиите помеѓу светските сили пред вчудоневидените очи на оние кои се борат да си ги опорават животите по двегодишната пандемија. Видовме како нашите семејства и пријатели умираат и страдаат од Ковид, кој ни го промени животот на сите. Кога се понадевавме дека тагата од пандемијата конечно ќе заврши, уште една војна нè потсети на итната потреба заедно да се бориме за поинаква политика.

Се чини дека јавниот дискурс нè тера да избереме страна: или на рускиот империјализам или на експанзионизмот на НАТО со чело на САД. Со тоа би требало да застанеме на страна на еден или друг национализам. Но, и двата системи организираат експлоатација на различни средства и ги претвораат границите во смртоносни алатки. Не е случајно тоа што ре-милитаризацијата на границите прво се случи против мигрантите кои бараа подобар живот. И секако, не е случајно тоа што моментално ниту една изјава, од која било страна, не се занимава со вистинскиот живот на луѓето.

Во последниве години, сведоци сме на лажните опозиции додека во источноевропските и граничните земји, про-ЕУ, про-НАТО и проруските фракции и партии неуморно работат на спроведување неолиберални реформи. Гледаме како оние кои ја бранат Русија истовремено ги оспоруваат и напаѓаат социјалните мерки и правата на работниците. Гледаме како ЕУ ги држи земјите како Украина и Грузија, како слуги за своите неолиберални планови, во чекалната за интеграција. Сведоци сме на мажи и жени кои веруваат дека европската перспектива е перспектива на отвореност и подобар живот. Но, единствено што сите овие глумци имаат направено е промовирање на своите неолиберални, експлоататорски, расистички и патријархални политики додека ги зајакнуваа своите армии. Сега, и тие се одговорни за овој смртоносен исход.

Сега сведочиме како земјите од Централна и Источна Европа изјавуваат подготвеност да ги примат украинските бегалци „од хуманитарни причини“. Полската влада, откако остави илјадници мигранти од Ирак, Авганистан и Сирија да мрзнат во шумите на полско-белоруската граница пред соучесничките очи на ЕУ, настојувајќи да му угоди на својот американски сојузник, вети дека ќе прими милион бегалци од Украина. Политичката инструментализација на азилот никогаш не престанува! Но, стотици илјади украински мигранти веќе живеат во Полска, каде што со мизерни плати се вработени во магацини, фабрики и куќи. Наместо сериозно да дејствуваат за да се избегне војна, полската влада, како и ЕУ, се спремни да ја претворат војната во уште една можност за пополнување на недостигот на работна сила и заработка од бегалци и сиромашни работници.

Гледаме како оние кои тврдат дека се во првите редови на „зелената транзиција“, истовремено го ставаат ширењето на НАТО и проспектите за идни инвестиции од Западот пред мирот. Гледаме како оние кои ги поддржуваат воените инвестиции, кои патем се и екстремно загадувачки, го слават исходот од истите, притоа загрозувајќи ги, не само луѓето од Украина, туку и самата иднина на сите нас. Тие се виновни за војната.

Политиката на санкции и економската војна се помалку насилни од бомбардирањето, но најмногу ќе влијaaт на оние работници, мигранти, жени и мажи кои веќе се борат да преживеат во време на пандемија и криза. Инвазијата на Украина не е популарна во Русија, а повеќето Руси се збунети и се срамат од можноста дека на некој начин тие самите се одговорни за постапките на владата на Путин, додека отпорот кон автократскиот режим на Путин се соочува со бројни предизвици и бројот на политички затвореници и неистомисленици постојано расте. Руската инвазија ја уништува Украина, но не постои „подемократски“ начин за продолжување на војната. Она што го гледаме е општ обид за преобликување на глобалните односи во време кога транснационалната динамика и човечките движења ги тресат самите корени на гнилиот геополитички систем.

Ние стоиме заедно со сите оние во Украина кои страдаат поради избувнувањето на војната. Ние стоиме покрај сите оние во Русија кои се противат на режимот на Путин. Ги поддржуваме оние кои се противат на војната од сите страни и порачуваме веднаш да престанат сите воени и економски реципрочни одмазди. Мора да се запре масакрот со оружје, како и натамошната криза што ги преплави животите на работниците, мигрантите, жените и мажите кои се борат за својот секојдневен живот. Додека националистите ги слават своите постапки во името на идентитетите и интересите кои нè делат и угнетуваат, а демократите поттикнуваат понатамошни конфликти во името на празните вредности кои го зголемуваат притисокот на капиталот врз животите на сите, ние повикуваме на транснационална политика на сите работници, мигранти, жени и мажи за мир, против оваа разорна војна.

Доколку вашите колективи, синдикати, мигрантски и феминистички групи сакаат да ја потпишат оваа изјава, ве молиме пратете ни емаил на: info@transnational-strike.info

Платформа TSS

Потпишано од:

CLARA Collective (Czech Republic)
Precarious Dis-Connections (Italy)
Solidarity Network – სოლიდარობის ქსელი (Georgia)
Plan C (UK)
LevFem (Bulgaria)
OZZ Inicjatywa Pracownicza (Poland)
Dversia (Bulgaria)
Wish Lesvos (Greece)
Mosawat (Morocco)
Casi sociale ACUM/ Social housing NOW (Cluj, Romania)
Migrants’ Coordination (Italy)
LabourNet (Germany)
Nők Egymásért Mozgalom (Hungary)
Plateforme Africaine de lutte contre l’émigration clandestine (France)
Centre for Theatre of the oppressed POKAZ (Zagreb, Croatia)
Infokolpa (Slovenia)
Jolanta Marxist Collective from Uppsala (Sweden)
عن المنظمة– IKKR (Morocco)
E.A.S.T. (Essential Autonomous Struggles Transnational)
Transbalkanska solidarnost
Worker-Communist Party of Iraq (Iraq)
TMC (Transnational Migrants Coordination)
MACAO center for art (Milano, Italy)
BAK – Seenotrettung in der Linksjugend (Germany)
L’Associazione Fuorimercato – Autogestione in movimento dall’Italia (Italy)
Manifestolibri (Italy)
Laboratorio Smaschieramenti (Bologna, Italy)
Red de feminismos descoloniales (Mexico)
Clandestina Network (Greece)
Kolektiv Z (North Macedonia)
Eco Justice Valandovo (North Macedonia)
The Climate Herald
The 8 March Assembly (Greece)
Unidad Latina en Acción-ULA (Connecticut, US)
Colectiva Tinta Violeta (Venezuela)
Rete Kurdistan (Italy)
Comunità Curda (Italy)
Halkların Köprüsü Derneği (Turkey)
HDK Göç ve Mülteciler Meclisi (Turkey)
Rete antirazzista catanese (Italy)
Comitato NoMuos/NoSigonella (Italy)
Zagreb Solidarity City (Croatia)
Movimiento de mujeres de Kurdistán en América Latina
Casa delle Donne di Milano (Italy)
Union des Femmes Socialistes dès France (France)
Liberty Tree Foundation for the Democratic Revolution (U.S.)
brandfilme (Germany)
collecti.e.f 8 maars (Belgium)
Plattform Radikale Linke (Austria)
MIgrants Social Center (Steki Metanaston) (Athens, Greece)
Network for Social and Political Rights – (Athens, Greece)
Dziewuchy Berlin (Germany)
International Council of Polish Women (Poland)
Lesbiche Bologna (Italy)
IDEA (Cluj, Romania)
Priorità alla Scuola (Italy)
Tranzit .ro Association (Romania)
Left Unity (UK)
Violetki Collective (Bulgaria)
Feminist Mobilizations – 8th March (Bulgaria)
Angry Workers of the World (UK)
Antiwar-Initiative (Norway)
Femiskop Feminist Collective (Azerbaijan)
A world without chemical and biological weapons-www (Iraq)
Life campaign to abolish the death sentence in Kurdistan (Iraq)
Organization Against Weapons of Mass Destruction in Kurdistan (Iraq)
Kurdistan without Genocide (Iraq)
Koncicc (Iraq)
Kurdistan Solidarity Network (UK)
Kurdish People’s Democratic Assembly of Britain (UK)
Kurdish Women’s Initiative (UK)
UK Kurdish Youth Movement (UK)
Kurdistan Solidarity Network (England & Wales)
KSN-Jin (England & Wales)
Antiwar internationalist movement Thessaloniki (Greece)
StopWarOnMigrants assembly Thessaloniki (Greece)
Assembly Against Detentions and Exclusions (Greece)
Bambule Collective (Germany)
Collective Y?! (Baltics-based regional network)
Anarchist Federation section Poznań (Poland)
Anarchist Federation section Wrocław (Poland)
Anarchist Federation section Lódź (Poland)
Staffetta sanitaria di Rete Kurdistan (Italy)
Osservatorio Repressione (Italy)
Carovane Migranti (Italy)
Punto Pace 2022 – Lev Tolstoj (Roma, Italy)
NWRG-odv (Italy)
Peace Dance Festival (Leipzig, Germany)
Yoga and Sport With Refugees (Greece)
Antirassistisches Netzwerk Sachsen-Anhalt (Germany)
Antirassistische Aktion Magdeburg (Germany)
AGITATE! Journal (US)
Libereds (Czech Republic)
A Planeta (Basque Country)
Ecosur en Patagonia (Argentina)
Terra Insumisa Alcamo (Italy)
Bündnis für Offene Grenzen Göttingen (Germany)
Nodo de Derechos Humanos (Mexico)
Antiauthoritarian Movement (Greece)
Free Social space Nosotros (Greece)
Free Social space Votanikos (Greece)
Feminist Peace Collective (Azerbaijan)
Non Una di Meno Reggio Emilia (Italy)
Transform! Europe
Mani Rosse Antirazziste (Italy)
PaneEPapaveri (Italy)
The Trixiewizs Team (Germany)
Solidarisch in Gröpelingen (Germany)
Non Una di Meno Lamezia- Catanzaro (Italy)
Federazione Anarchica Siciliana (Italy)